نئی دہلی، 20 اکتوبر (مسرت ڈاٹ کام) کانگریس کے سابق صدر اور لوک سبھا میں قائدِ حزبِ اختلاف راہل گاندھی نے راشٹریہ سویم سیوک سنگھ (آر ایس ایس) پر شدید حملہ کرتے ہوئے کہا ہے کہ یہ تنظیم خواتین کی مخالف ہے اور اس کا نظریہ یہ ہے کہ خواتین مردوں کی ملکیت ہیں۔

انہوں نے راشٹریہ سویم سیوک سنگھ کو آئین اور خواتین کا مخالف قرار دیا۔

مسٹر گاندھی نے منگل کے روز سوشل میڈیا پلیٹ فارم 'ایکس' پر لکھا، "آر ایس ایس مردوں کی ایک ایسی تنظیم ہے جو آئین مخالف نظریے پر یقین رکھتی ہے اور خواتین کو مردوں کی ملکیت مانتی ہے۔"

انہوں نے کہا، "میں 'شِیو-شَکتی' پر یقین رکھتا ہوں۔ اسی لیے ان کے خلاف جدوجہد کرنے میں مجھے اتنی خوشی ملتی ہے۔"

انہوں نے مزید کہا کہ سب سے خوبصورت بات یہ ہے کہ آر ایس ایس کی "اپنی کہی جانے والی کئی خواتین" بھی ان کے ساتھ کھڑی ہیں۔