پاکستان کی سرکاری ایمرجنسی سروس ریسکیو 1122 کے مطابق، یہ حادثہ دیر کالونی کے کالج روڈ پر واقع ایک نجی اسکول میں پیش آیا۔ حادثے کے فوراً بعد بڑے پیمانے پر راحت اور بچاؤ کی کارروائی شروع کردی گئی۔
مقامی میڈیا کے مطابق، لیڈی ریڈنگ اسپتال (ایل آر ایچ) کے ترجمان محمد عاصم نے بتایا کہ 17 بچوں کو مردہ حالت میں اسپتال لایا گیا تھا، جبکہ ایک خاتون معلمہ نے بھی علاج کے دوران دم توڑ دیا۔ انہوں نے بتایا کہ ہلاک ہونے والے تمام بچوں کی عمر 13 سال یا اس سے کم تھی۔
اسپتال میں ایمرجنسی نافذ کردی گئی ہے اور ڈاکٹروں کی ٹیم زخمیوں کا علاج کر رہی ہے۔ زخمیوں میں سے بعض کی حالت انتہائی نازک بتائی جاتی ہے۔
