مہر خبررساں ایجنسی کی رپورٹ کے مطابق، ایران کے صدر ڈاکٹر مسعود پزشکیان اپنے دورہ پاکستان پر صوبائی دارالحکومت لاہور پہنچے جہاں انہوں نے قومی شاعر علامہ محمد اقبال کے مزار پر حاضری دی اور گلہائے عقیدت پیش کیا۔
ایرانی صدر نے شاعر مشرق علامہ اقبال کے مزار پر حاضری دی۔ وزیراعلیٰ پنجاب مریم نواز اور دیگر وزرا بھی اس موقع پر موجود تھے۔ ایرانی صدر نے مزار اقبال پر فاتحہ پڑھی اور کتاب میں تاثرات قلم بند کیے۔
اس سے قبل لاہور آمد کے موقع پر سابق پاکستانی وزیر اعظم نواز شریف، وزیر اعلیٰ پنجاب مریم نواز اور دیگر نے ایرانی صدر کا ائیرپورٹ پر استقبال کیا۔
