آئیچی-ناگویا (جاپان)، یکم اکتوبر (مسرت ڈاٹ کام) ایشیائی کھیل 2026 میں ہندوستانی کشتی راں منو فرانسس اور پرنس کوریسنکل نوبل کی جوڑی نے جمعرات کو مردوں کے اسکیف مقابلے میں شاندار کارکردگی کا مظاہرہ کرتے ہوئے چاندی کا تمغہ جیت لیا۔ یہ ایشیائی کھیلوں کے کشتی رانی کے مقابلے میں ہندوستان کا پہلا تمغہ ہے۔

آج یہاں ہندوستانی جوڑی کی دن کی شروعات اچھی نہیں رہی اور 8ویں ریس کے بعد وہ چوتھے مقام پر کھسک گئے تھے۔ لیکن 9ویں اور آخری ریس میں انہوں نے شاندار کارکردگی کا مظاہرہ کرتے ہوئے دوسرا مقام حاصل کیا اور مجموعی طور پر 23 پوائنٹس کے ساتھ چاندی کا تمغہ اپنے نام کیا۔

چین کے وین زیڈنگ اور لیو تیان کی جوڑی نے طلائی تمغہ جیتا۔ وہیں ہانگ کانگ نے تیسرے مقام کے ساتھ کانسہ کا تمغہ حاصل کیا۔