محترمہ واڈرا نے سوشل میڈیا پلیٹ فارم 'ایکس' پر اتوار کے روز لکھا کہ ہلدوانی میں مسٹر کھرگے کی ریلی کے بعد بھارتیہ جنتا پارٹی-راشٹریہ سویم سیوک سنگھ کے لوگوں نے ان کے اسٹیج کا 'شدھی کرن' کیا۔ انہوں نے کہا کہ یہ نہ صرف انتہائی قابلِ مذمت اور شرمناک سوچ کی علامت ہے، بلکہ آئین اور ایس سی/ایس ٹی ایکٹ کی شدید خلاف ورزی اور قانونی جرم ہے۔
انہوں نے کہا کہ اس واقعے کو 20 دن گزر چکے ہیں، لیکن وزیراعظم اور ان کی حکومت کی جانب سے اب تک کوئی کارروائی نہیں ہوئی ہے۔ انہوں نے سوال کیا کہ مسٹرمودی کو بتانا چاہیے کہ اس کی وجہ کیا ہے۔
محترمہ واڈرا نے کہا کہ اگر وزیراعظم واقعی آئین کا احترام کرتے ہیں تو اتراکھنڈ میں اس جرم کو انجام دینے والے لوگوں کے خلاف ایف آئی آر درج کرائیں اور ایس سی/ایس ٹی ایکٹ کے تحت کارروائی یقینی بنائیں۔
اس کے ساتھ ہی انہوں نے لوک سبھا میں قائدِ حزبِ اختلاف راہل گاندھی کی ہفتے کے روز اس معاملے پر یہاں پارٹی ہیڈکوارٹر میں منعقدہ پریس کانفرنس کی ایک ویڈیو بھی 'ایکس' پر پوسٹ کی ہے۔
