ایک سرکاری اعلان کے مطابق، صدر جمہوریہ دروپدی مرمو نے وزیر اعظم نریندر مودی کے مشورے پر مسٹر پردھان کا استعفیٰ قبول کر لیا اور مسٹر جوشی کو وزارت تعلیم کا اضافی چارج سونپ دیا۔ مسٹر جوشی امور صارفین ، خوراک و عوامی نظام تقسیم اور جدید و قابل تجدید توانائی کی وزارتوں کی قیادت بھی سنبھالتے رہیں گے۔
مسٹر پردھان کا استعفیٰ کاکروچ جنتا پارٹی کی قیادت میں ملک بھر میں پھیلے احتجاجی مظاہروں کے بعد سامنے آیا ہے۔ ان میں مظاہرین نیٹ امتحان کا پرچہ لیک ہونے سے جڑے الزامات پر انہیں عہدے سے ہٹانے کا مطالبہ کر رہے تھے۔
امتحان منسوخ ہونے کے بعد مبینہ طور پر خودکشی کرنے والے طلباء کے خاندانوں کو معاوضہ دینے سمیت دیگر مطالبات پر حکومت کی جانب سے رضامندی ظاہر کیے جانے کے بعد سی جے پی نے ہفتہ کو اپنی تحریک واپس لے لی۔
