تہران، 11 جنوری  (مسرت ڈاٹ کام) ایرانی وزیر خارجہ نے کہا ہے کہ امریکہ و اسرائیل ایران میں احتجاج جاری رکھنے کے لیے مداخلت کر رہا ہے۔ بلکہ ان پرتشدد مظاہروں کو ایندھن فراہم کر رہا ہے۔ انہوں نے یہ بات لبنان کے دورے کے موقع پر امریکہ و اسرائیل کے حالیہ بیانات اور مظاہرین کو دی جانے والی ہلہ شیری کے حوالے سے کہی ہے۔

تاہم انہوں نے ان امریکی دھمکیوں کو یہ کہہ کر مسترد کیا ہے کہ مظاہرین کی گرفتاری کے باعث کوئی غیر ملکی فوجی مداخلت ہو سکتی ہے۔

ایرانی وزیر خارجہ عباس عراقچی نے کہا یہ سب کچھ امریکی و اسرائیلی بیانات سے ظاہر ہے کہ وہ مظاہرین کو بھڑکانے کے لیے براہ راست کوششیں کر رہے ہیں۔

عباس عراقچی نے کہا حقیقت یہ ہے کہ امریکہ و اسرائیل پر امن احتجاج کو پرتشدد بنانے کے لیے کردار ادا کر رہے ہیں۔

امریکی فوجی مداخلت کے بارے میں سوال کا جواب دیتے ہوئے کہا ہمیں یقین ہے کہ اس کا امکان نہ ہونے کے برابر ہے کیونکہ وہ اپنے پچھلے حملوں کی ناکامیوں کے بعد سبق سیکھ چکے ہوں گے۔