تہران، 30 نومبر(مسرت ڈاٹ کام) عبرانی اخبار ہاآرتص کے مطابق سعودی عرب نے اسرائیل کو پیغام دیا ہے کہ جب تک نتن یاہو اقتدار میں ہے سعودی عرب_اسرائیل تعلقات معمول پر نہیں آ سکتے۔
مہر خبررساں ایجنسی کی رپورٹ کے مطابق، عبرانی اخبار ہاآرتص نے دعوا کیا ہے کہ سعودی عرب نے اسرائیلی حکومت کو پیغام دیا ہے کہ جب تک بنیامین نتن یاہو وزیرِاعظم ہیں، تعلقات کی بحالی ممکن نہیں۔
رپورٹ کے مطابق، ریاض نتن یاہو اور ان کی کابینہ کی ترکیب کو تعلقات کی بحالی کی راہ میں رکاوٹ سمجھتا ہے۔ اس دعوے کے مطابق سعودی عرب کا موقف ہے کہ اسرائیل کے ساتھ تعلقات کی بحالی صرف اس صورت میں ممکن ہے جب وزیرِاعظم تبدیل ہو۔
یہ اس وقت سامنے آیا ہے جب اس سے قبل رپورٹوں میں کہا گیا تھا کہ سعودی عرب تعلقات کی بحالی کو فلسطینی ریاست کے قیام سے مشروط سمجھتا ہے۔
اقوامِ متحدہ کے 193 رکن ممالک میں سے 160 نے فلسطین کو بطور ریاست تسلیم کر رکھا ہے۔
