مسٹر مودی نے کہا ’’رائے پور میں پولیس ڈائریکٹر جنرلز اور انسپکٹر جنرلز کے اجلاس کے پہلے دن ملک کے سکیورٹی نظام کے مختلف پہلوؤں پر تفصیل سے گفتگو ہوئی۔ اس شعبے میں بہترین طریقۂ کار اور اختراع کو شیئر کرنے کے لیے یہ ایک اچھا پلیٹ فارم ہے۔‘‘
واضح رہے کہ مرکزی وزیر داخلہ امت شاہ نے جمعہ کے روز اس اجلاس کا افتتاح کیا تھا اور باقی دو دن وزیراعظم اجلاس کے مختلف سیشنز کی صدارت کریں گے۔ وہ نمایاں خدمات انجام دینے والے پولیس اہلکاروں کو صدرِ جمہوریہ کے وِشِشت سیوا میڈل سے بھی نوازیں گے۔
اجلاس میں وزیرِ مملکت برائے داخلہ نِتّیانند رائے، داخلہ سکریٹری، قومی سلامتی مشیر اور تمام ریاستوں و مرکز کے زیر انتظام علاقوں کے پولیس ڈائریکٹر جنرل اور انسپکٹر جنرل شریک ہو رہے ہیں۔
