چنٹیلز گروپ نے کھیل کے ذریعے سماجی ہم آہنگی کے اپنے عزم کو دہراتے ہوئے ٹورنامنٹ میں ٹیم انڈیا کی پشت پناہی کی اور ٹیم کے ہر رکن کو ایک لاکھ روپے کی انعامی رقم پیش کی۔ گروپ سی ایس آر وِنگ نورا سولومون فاؤنڈیشن تعلیم، صحت اور سماجی بہبود میں سرگرم ہے۔
کپتان دیپیکا ٹی سی کی قیادت میں ہندوستانی ٹیم نے چھ ملکوں پر مشتمل مقابلے جس میں نیپال، پاکستان، سری لنکا، آسٹریلیا اور امریکہ شامل تھے پر مکمل غلبہ حاصل کیا۔ ٹورنامنٹ کا فائنل 23 نومبر 2025 کو کولمبو میں کھیلا گیا۔
اپنے شاندار سفر کے بارے میں بات کرتے ہوئے کپتان دیپیکا ٹی سی نے کہ"ہماری جیت کے پیچھے ہر وہ جدوجہد چھپی ہے جس کا ہم نے سامنا کیا—کم وسائل، سخت تربیت کی رکاوٹیں اور وہ لمحے جب حالات ناممکن دکھائی دیتے تھے۔ لیکن ہم نے ہمت نہیں ہاری۔
ورلڈ کپ چیمپیئن بن کر یہاں کھڑا ہونا اس بات کا ثبوت ہے کہ مضبوط ارادہ مشکل سے مشکل سفر کو یادگار کامیابی میں بدل سکتا ہے۔ ہمیں امید ہے کہ ہماری یہ فتح بہت سے لوگوں کو اپنے خوابوں کا پیچھا کرنے کی تحریک دے گی۔تقریبِ اعزاز میں چنٹیلز گروپ کے ڈائریکٹر اور نورا سولومون فاؤنڈیشن کے ٹرسٹی پرشانت سولومون نے کہا ٹیم کی یہ جیت ملک کے لیے باعثِ فخر ہے۔ ہمارے ان شاندار ایتھلیٹس نے بے مثال جذبہ اور عزم دکھایا ہے، جس سے معذور افراد کو آگے بڑھنے اور اپنے خواب پورے کرنے کا حوصلہ ملا ہے۔ ان کی ورلڈ کپ فتح نہ صرف ہندوستانی بلائنڈ کرکٹ کے لیے سنگِ میل ہے بلکہ پورے ملک کی خوشی کا لمحہ ہے۔ ہمیں یہ اعزاز حاصل ہے کہ ہم اس کامیابی کے جشن میں ان کے ساتھ کھڑے ہیں۔
