تاہم ابتدائی معلومات کے مطابق گجرات کے سابق وزیر اعلیٰ وجے روپانی بھی اس طیارے میں سفر کر رہے تھے۔ طیارہ حادثے کے بعد وزیر داخلہ امت شاہ نے گجرات کے وزیر اعلیٰ کو فون کر کے معلومات طلب کی اور ہر ممکن مدد کی یقین دہانی بھی کرائی۔وزیر اعظم اور وزیر داخلہ دونوں کے احمدآباد روانہ ہونے کی اطلاع مو صول ہوئی ہے ۔ حادثے کی اطلاع ملتے ہی مقامی افراد اور انتظامیہ فوری طور پر جائے وقوعہ پر پہنچ گئے۔
ابتدائی اطلاعات ہیں کہ طیارے میں عملے کے 10 ارکان سمیت 242 مسافر سفر کر رہے تھے۔جن میں 169 ہندوستانی ؛ ،53 برطانوی شہری ؛ سات پرتگالی شہری اور ایک کینڑا کا شہری شامل ہے
طیارہ حادثے کی ویڈیو سوشل میڈیا پر وائرل ہو گئی ہے، ویڈیو میں دیکھا جا سکتا ہے کہ جس جگہ طیارہ گر کر تباہ ہوا وہاں سے دھویں کے بڑے بادل پھیل رہے ہیں، مختلف ریسکیو ٹیمیں جائے وقوعہ پر پہنچ گئی ہیں۔ تاہم اس حادثے میں بڑے جانی نقصان کا خدشہ ہے۔ چونکہ طیارہ احمد آباد سے لندن جا رہا تھا، یعنی لمبے راستے پر، طیارے میں ایندھن کی بڑی مقدار بھی بھری ہوئی تھی، جس کی وجہ سے جائے حادثہ پر ایک بڑا دھماکہ ہوا۔
قابل ذکر بات یہ ہے کہ طیارہ حادثے سے قبل طیارے کے پائلٹ کیپٹن سمیت سبھروال نے ایک ہنگامی پیغام (مے ڈے کال) دیا تھا۔ کیپٹن سبھروال کے پاس 8200 گھنٹے کی پرواز کا تجربہ تھا۔ طیارے نے 1.31 بجے ٹیک آف کیا اور جہاز سے آخری سگنل ٹیک آف کے بعد 1.38 منٹ پر موصول ہوا۔ جس کے بعد یہ حادثہ پیش آیا۔
ایئر انڈیا کا طیارہ ایک عمارت سے ٹکرا گیا، جسے ہسپتال کے ڈاکٹروں کا ہاسٹل بتایا جارہا ہے۔ موصولہ اطلاعات کے مطابق ہاسٹل میں مقیم 15 ڈاکٹرز اور کچھ مریض بھی شدید زخمی ہوئے۔
ایئر انڈیا کے چیئرمین این چندر شیکرن نے اپنے بیان میں کہا کہ "یہ انتہائی دکھ کے ساتھ ہے کہ میں حادثے کی خبر کی تصدیق کرتا ہوں کہ احمد آباد سے لندن گیٹوک جانے والی ایئر انڈیا کی فلائٹ 171 آج گر کر تباہ ہو گئی۔ ہمارے خیالات اس تباہ کن واقعے سے متاثرہ تمام مسافروں کے اہل خانہ اور پیاروں کے ساتھ ہیں۔ فی الحال، ہماری بنیادی توجہ تمام متاثرہ مسافروں اور ان کے اہل خانہ کی مدد پر ہے۔ ہم ہر ممکن کوشش کر رہے ہیں۔ ہم مسافروں کی مدد کے لیے ہر ممکن کوشش کر رہے ہیں۔ حادثے کے بارے میں مزید تفصیلات کا پتہ لگائیں گے اور جیسے ہی ہمیں مزید معلومات ملیں گی، فوری طور پر ایک ہنگامی مرکز قائم کر دیا گیا ہے، ٹیمیں متاثرہ مسافروں کے خاندانوں کی مدد کے لیے تعینات کی گئی ہیں جو ان کے بارے میں معلومات حاصل کرنے کی کوشش کر رہی ہیں۔"
اطلاع کے مطابق فی الوقت ایرپورٹ سے تمام پروازوں کو منسوخ کر دیا گیا
