اہم آبی گزرگاہ آبنائے ہرمز سے، جہاں سے دنیا کے خام تیل کی مجموعی ترسیل کا پانچویں حصے سے زیادہ گزرتا ہے، جنگ شروع ہونے کے بعد سے بحری آمدورفت میں نمایاں کمی آئی ہے۔
ایران کی سرکاری خبر رساں ایجنسی اسلامی جمہوریہ نیوز ایجنسی (ارنا) نے قالیباف کے حوالے سے بتایا کہ شرائط میں ایرانی بندرگاہوں پر امریکی ناکہ بندی ختم کرنا، ایران کے منجمد اثاثے جاری کرنا، ایرانی تیل پر عائد پابندیاں اٹھانا اور تمام فوجی دھمکیوں اور کارروائیوں کا خاتمہ شامل ہے۔
قالیباف نے واشنگٹن سے یہ بھی مطالبہ کیا کہ وہ ان ’’دیگر شرائط‘‘ پر عمل درآمد کرے جن پر اس نے جون میں تہران کے ساتھ طے پانے والی مفاہمت کی یادداشت (ایم او یو) کے تحت اتفاق کیا تھا۔
اس معاہدے کا مقصد دشمنی روکنا اور ایران کے جوہری پروگرام اور پابندیوں کے خاتمے جیسے زیر التوا معاملات پر بات چیت کی راہ ہموار کرنا تھا، تاکہ 60 دن کے اندر ایک ’’حتمی معاہدے‘‘ تک پہنچا جا سکے۔ تاہم یہ مدت پیر کو کسی پیش رفت کے بغیر ختم ہوگئی۔
