فیفا کی جانب سے جاری کردہ 4-3-3 فارمیشن پر مشتمل بہترین الیون میں مجموعی طور پر سات مختلف ممالک کے کھلاڑیوں کو جگہ دی گئی ہے، جنہوں نے امریکا، کینیڈا اور میکسیکو میں منعقدہ ورلڈ کپ کے دوران نمایاں کارکردگی کا مظاہرہ کیا۔
اسپین کی جانب سے دفاعی کھلاڑی مارک کوکوریلا اور پیڈرو پورو کے علاوہ مڈفیلڈر روڈری کو ٹیم میں شامل کیا گیا، جنہوں نے اسپین کی عالمی ٹائٹل جیتنے کی مہم میں اہم کردار ادا کیا۔
فائنل میں شکست کھانے والی ارجنٹینا کے کپتان لیونل میسی کو فارورڈ لائن میں جبکہ دفاعی کھلاڑی لیسانڈرو مارٹینیز کو بھی بہترین الیون میں جگہ ملی۔
فرانس کے کائلیان ایمباپے، مائیکل اولیسے اور ڈیوٹ اپامیکانو بھی ٹیم آف دی ٹورنامنٹ کا حصہ بنے، جبکہ انگلینڈ کے جوڈ بیلنگھم کو مڈفیلڈ میں منتخب کیا گیا۔
ناروے کے ایرلنگ ہالینڈ کو مرکزی اسٹرائیکر کے طور پر شامل کیا گیا، جبکہ کیپ وردے کے گول کیپر ووزینہا نے شاندار گول کیپنگ کی بدولت بہترین الیون میں جگہ بنانے میں کامیابی حاصل کی۔
