وزارتِ خارجہ نے بتایا کہ یومِ سوگ کے موقع پر ملک بھر میں ان تمام سرکاری عمارتوں پر، جہاں معمول کے مطابق قومی پرچم لہرایا جاتا ہے، قومی پرچم سرنگوں رہے گا، جبکہ اس روز کسی بھی قسم کی سرکاری تفریحی تقریب منعقد نہیں کی جائے گی۔
وزیراعظم نریندر مودی نے شیخ حمد بن خلیفہ آل ثانی کے انتقال پر گہرے رنج و غم کا اظہار کرتے ہوئے کہا کہ وہ ایک دوراندیش رہنما تھے، جنہوں نے قطر کو ترقی اور خوشحالی کی نئی بلندیوں تک پہنچایا اور وہ ہندوستان کے سچے دوست بھی تھے۔
ذرائع کے مطابق، پارلیمانی امور اور اقلیتی امور کے مرکزی وزیر کرن رجیجو جلد ہی قطر کا دورہ کر سکتے ہیں، جہاں وہ ہندوستان کی جانب سے قطر کی قیادت اور عوام سے تعزیت اور ہمدردی کا اظہار کریں گے۔
