ممبئی انڈینز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 166 رنز بنائے۔ ٹیم کی جانب سے کپتان نے ذمہ دارانہ اننگز کھیلتے ہوئے نصف سنچری اسکور کی، جبکہ دیگر بلے بازوں نے بھی اہم رنز جوڑے۔
ہدف کے تعاقب میں آر سی بی کی شروعات اچھی نہیں رہی اور ابتدائی وکٹیں جلد گر گئیں، تاہم مڈل آرڈر بلے بازوں نے عمدہ شراکت قائم کرکے ٹیم کو میچ میں برقرار رکھا۔ آخری اوور میں جیت کے لیے درکار رنز نے مقابلے کو انتہائی دلچسپ بنا دیا۔
میچ کی آخری گیند پر آر سی بی نے مطلوبہ رن حاصل کرکے دو وکٹوں سے یادگار فتح اپنے نام کر لی۔ اس کامیابی کے بعد آر سی بی کے کھلاڑیوں اور شائقین میں زبردست جوش و خروش دیکھنے میں آیا۔
اس فتح کے ساتھ آر سی بی نے پوائنٹس ٹیبل میں اپنی پوزیشن مزید مستحکم کر لی، جبکہ ممبئی انڈینز کو ایک اور قریبی مقابلے میں شکست کا سامنا کرنا پڑا۔
قبل ازیں، آئی پی ایل 2026 کے ایک اہم میچ میں ممبئی انڈینز نے تلک ورما کی نصف سنچری اور نمن دھیر کی ذمہ دارانہ بیٹنگ کی بدولت رائل چیلنجرز بنگلور کے خلاف مقررہ 20 اوورز میں 7 وکٹوں کے نقصان پر 166 رنز بنائے۔
آر سی بی کے کپتان رجت پاٹیدار نے ٹاس جیت کر پہلے فیلڈنگ کا فیصلہ کیا، جو ابتدائی طور پر درست ثابت ہوا۔ بھونیشور کمار نے اپنی سوئنگ بالنگ سے ممبئی کے ٹاپ آرڈر کو تہس نہس کر دیا۔محض 28 رنز کے مجموعی اسکور پر ممبئی کے تین اہم کھلاڑی پویلین لوٹ گئے۔
ریان رکلٹن (2)، روہت شرما (22) اور کپتان سوریا کمار یادو (0) پر آؤٹ ہو کر مایوس کن آغاز کا سبب بنے۔مشکل حالات میں نمن دھیر اور تلک ورما نے اننگز کو سنبھالا اور چوتھی وکٹ کے لیے 82 رنز کی قیمتی شراکت قائم کی۔نمن دھیر 32 گیندوں پر 5 چوکوں اور 2 چھکوں کی مدد سے 47 رنز بنا کر آؤٹ ہوئے۔ انہیں راسخ سلام نے بولڈ کیا۔
تلک ورما نے ذمہ داری سے بیٹنگ کرتے ہوئے 42 گیندوں پر 57 رنز (3 چوکے، 2 چھکے) بنائے اور ٹیم کے اسکور کو ایک معقول حد تک پہنچایا۔
اننگز کے اختتام پر ول جیکس (10) اور راج باوا (15) بڑی اننگز کھیلنے میں ناکام رہے۔ کاربن بوش (5) اور دیپک چاہر (1) ناٹ آؤٹ رہے۔ ممبئی نے آخری اوور کی ڈاٹ بال کے ساتھ اپنی اننگز 166 پر ختم کی۔بھونیشور کمار: سب سے کامیاب بالر رہے، جنہوں نے 4 وکٹیں حاصل کیں اور ممبئی کی بیٹنگ لائن کی کمر توڑ دی۔راسخ سلام، روماریو شیفرڈ اور جوش ہیزل ووڈ: تینوں باؤلرز نے ایک ایک کھلاڑی کو آؤٹ کیا۔آر سی بی کو اب یہ میچ جیتنے کے لیے 167 رنز درکار ہیں۔ رائے پور کی بڑی باؤنڈریز اور بھونیشور کی بہترین فارم کے بعد اب سارا دباؤ ممبئی کے بالرز پر ہوگا کہ وہ اس اسکور کا دفاع کیسے کرتے ہیں۔
