195 رنز کے ہدف کے تعاقب میں اتری چنئی سپر کنگز کی شروعات اچھی نہیں رہی اور اس نے دوسرے ہی اوور میں سنجو سیمسن (7) کا وکٹ گنوا دیا۔ اس کے بعد کپتان رتوراج گائیکواڑ اور آیوش مہاترے کی جوڑی نے اننگز کو سنبھالنے کی کوشش کی۔ دونوں کے درمیان دوسرے وکٹ کے لیے 51 رنز کی شراکت ہوئی۔ پانچویں اوور میں نتیش کمار ریڈی نے آیوش مہاترے (30 رنز، 13 گیند) کو آؤٹ کر کے اس شراکت کو توڑا۔ اگلے ہی اوور میں ایشان ملنگا نے رتوراج گائیکواڑ (19) کو آؤٹ کر دیا۔
میتھیو شاٹ اور سرفراز خان نے کچھ دیر مزاحمت کی۔ میتھیو شاٹ نے 30 گیندوں پر 34 اور سرفراز خان نے 19 گیندوں پر 25 رنز بنائے۔ شیوَم دوبے (21) کو ثاقب حسین نے آؤٹ کیا۔ پرفل ہنگے نے آخری اوور میں شاندار بولنگ کرتے ہوئے ایک وکٹ حاصل کی۔ چنئی سپر کنگز کی ٹیم مقررہ 20 اوورز میں 8 وکٹ پر 184 رنز ہی بنا سکی اور میچ 10 رنز سے ہار گئی۔ انشول کمبوج 13 رنز بنا کر ناٹ آؤٹ رہے۔
سن رائزرز حیدرآباد کے لیے ایشان ملنگا نے تین وکٹیں حاصل کیں۔ نتیش کمار ریڈی نے دو وکٹیں لیں، جبکہ پرفل ہنگے، ثاقب حسین اور شیوَنگ کمار نے ایک ایک کھلاڑی کو آؤٹ کیا۔
اس سے قبل چنئی سپر کنگز نے ٹاس جیت کر پہلے بولنگ کرنے کا فیصلہ کیا۔ بیٹنگ کے لیے اتری سن رائزرز حیدرآباد کی جانب سے ابھشیک شرما اور ٹریوس ہیڈ کی اوپننگ جوڑی نے پہلے وکٹ کے لیے 75 رنز جوڑ کر ٹیم کو مضبوط آغاز دیا۔ چھٹے اوور میں مکیش چودھری نے ٹریوس ہیڈ (23) کو آؤٹ کر کے پہلی کامیابی دلائی۔ اسی اوور میں انہوں نے کپتان ایشان کشن کو بغیر کوئی رن بنائے پویلین بھیج دیا۔
انیکیت ورما (2) اور نتیش کمار ریڈی (12) بھی زیادہ دیر نہ ٹھہر سکے۔ 18ویں اوور میں حیدرآباد کا چھٹا وکٹ ہینرک کلاسن کے طور پر گرا، جنہوں نے 39 گیندوں پر 6 چوکے اور 2 چھکوں کی مدد سے 59 رنز بنائے۔
شیوَنگ کمار نے 8 گیندوں پر 12 رنز بنائے۔ اسی اوور کی آخری گیند پر لیام لیونگسٹون بڑا شاٹ کھیلنے کی کوشش میں کیچ آؤٹ ہو گئے۔ سن رائزرز حیدرآباد نے مقررہ 20 اوورز میں 9 وکٹ پر 194 رنز بنائے۔
چنئی سپر کنگز کے لیے انشول کمبوج اور جیمی اوورٹن نے تین تین وکٹیں حاصل کیں، جبکہ مکیش چودھری نے دو اور گرُجپنیِت سنگھ نے ایک کھلاڑی کو آؤٹ کیا۔
