براڈکاسٹر سی این بی سی سے گفتگو کرتے ہوئے انفینٹینو نے کہا، "ایران کی ٹیم ضرور آ رہی ہے۔ ہمیں امید ہے کہ تب تک حالات پرامن ہو جائیں گے، جس سے یقیناً مدد ملے گی۔"
جون میں امریکہ میں شیڈول ٹیم کے آئندہ میچوں کے حوالے سے انہوں نے مزید کہا، "ایران کو آنا ہی ہے، وہ اپنے عوام کی نمائندگی کرتے ہیں، انہوں نے کوالیفائی کیا ہے اور کھلاڑی کھیلنا چاہتے ہیں۔" واضح رہے کہ 28 فروری کو امریکہ اور اسرائیل کے ساتھ شروع ہونے والی جنگ کی وجہ سے عالمی ٹورنامنٹ میں ایران کی شرکت پر شکوک و شبہات پیدا ہو گئے تھے۔
انفینٹینو نے اس بات پر زور دیا کہ "کھیلوں کو سیاست سے دور رہنا چاہیے۔" انہوں نے اپنی بات جاری رکھتے ہوئے کہا، "اگر کوئی اور پل بنانے اور انہیں برقرار رکھنے پر یقین نہیں رکھتا، تو ہم یہ کام کر رہے ہیں۔"
یاد رہے کہ 2026 کا ورلڈ کپ امریکہ، میکسیکو اور کینیڈا کی مشترکہ میزبانی میں 11 جون سے شروع ہو رہا ہے۔
