گجرات اسمبلی میں یکساں سول کوڈ بل منظور ہونے پر مسٹر شاہ نے یہ بات کہی۔ بدھ کے روز سوشل میڈیا پر ایک پوسٹ میں مسٹر شاہ نے کہا، "ملک میں ہر شہری کے لیے ایک جیسا قانون ہو، یہ بی جے پی کے قیام سے ہی ہمارا عزم رہا ہے۔ مودی جی کی قیادت میں بی جے پی کی ریاستی حکومتیں اس سمت میں مسلسل آگے بڑھ رہی ہیں۔ مجھے خوشی ہے کہ اتراکھنڈ کے بعد اب گجرات نے بھی یکساں سول کوڈ بل منظور کرنے کا تاریخی کام کر کے اپنی عہد بستگی ظاہر کی ہے۔ اس کے لیے وزیر اعلیٰ بھوپیندر پٹیل اور اس بل کی حمایت کرنے والے تمام اراکین اسمبلی کو مبارکباد دیتا ہوں۔"
انہوں نے کہا کہ ملک خوشامد کی بنیاد پر نہیں، بلکہ تمام شہریوں کے لیے یکساں قانون سے چلے، یہ ہماری ترجیح بھی ہے اور عزم بھی۔
قابل ذکر ہے کہ گجرات اسمبلی نے منگل کو 'گجرات یکساں سول کوڈ بل 2026' منظور کیا، جس سے ریاست میں تمام مذاہب کے لیے شادی، طلاق، جائیداد اورشادی کےبغیر ساتھ رہنے کے لیے یکساں قانون بن گیا ہے۔ گجرات، اتراکھنڈ کے بعد یہ بل منظور کرنے والی دوسری ریاست بن گئی ہے۔
