اس ٹورنامنٹ کے گروپ ڈی میچز کی میزبانی احمد آباد کو سونپی گئی ہے، جس میں میزبان ہندوستان کے علاوہ ایران، فلسطین، چینی تائیپے اور لبنان کی ٹیمیں شامل ہیں۔
میچ کے آغاز کے 13ویں منٹ میں چینی تائیپے کے چنگ کے اچھے دفاع کے باوجود 33ویں منٹ میں فلسطین کے جرسی نمبر 9 جین خلیفہ نے گول کر کے فلسطین کو 1-0 کی برتری دلائی۔ ہاف ٹائم تک اس اسکور میں کوئی تبدیلی نہیں آئی۔
دوسرے ہاف میں چینی تائیپے نے بہتر آغاز کیا اور 52ویں منٹ میں جرسی نمبر 13 او یانگ اوے نے گول کر کے اسکور 1-1 برابر کیا۔ 70ویں منٹ میں فلسطین کے جرسی نمبر 4 ک ےکھلاڑی نے گول ایریا میں فاؤل کیا، جس پر ریفری نے انہیں ریڈ کارڈ دیا اور چینی تائیپے کو پنالٹی دی، لیکن کپتان پنالٹی کواسکور نہ کر سکے۔
75ویں منٹ میں فلسطین کے جرسی نمبر 11 کے کھلاڑی نے پنالٹی ایریا کے باہر سے زوردار شاٹ کر کے اسکور 2-1 کر دیا، جبکہ 88ویں منٹ میں فلسطین کے جرسی نمبر 6 محمد جمحور نے آخری گول کر کے اسکور 3-1 تک پہنچایا۔
