کمپنی نے جمعہ کو جاری کردہ سہ ماہی کے نتائج میں بتایا کہ اس کی کل آمدنی اس دوران 9.9 فیصد بڑھ کر 2,83,548 کروڑ روپے پر پہنچ گئی اور ٹیکس سے پہلے کا منافع 16.3 فیصد بڑھ کر 29,124 کروڑ روپے ہو گیا۔
کمپنی کے پریس ریلیز میں بتایا گیا کہ جیو پلیٹ فارمز لمیٹڈ (جے پی ایل) کی آمدنی 14.9 فیصد اور رِیلائنس ریٹیل وینچرز لمیٹڈ کی آمدنی 18 فیصد بڑھی۔
تیل سے کیمیکلز (او 2 سی) کے کاروبار سے آمدنی میں 3.2 فیصد اضافہ ہوا۔ جبکہ تیل اور گیس کے شعبے میں آمدنی 2.6 فیصد کم ہوئی، جس کی بنیادی وجہ کے جی -ڈی6 میں پیداوار میں قدرتی کمی بتائی گئی ہے۔
رِلائنس انڈسٹریز کے صدر اور چیف ایگزیکٹو آفیسر مکیش امبانی نے نتائج پر تبصرہ کرتے ہوئے کہا کہ او 2 سی، جیو اور ریٹیل کے مضبوط تعاون کی وجہ سے کمپنی نے دوسری سہ ماہی میں اچھا مظاہرہ کیا۔ ڈیجیٹل سروس کے کاروبار میں صارفین کی تعداد میں اضافہ کے ساتھ ساتھ توسیع بھی ہو رہی ہے۔
