اپنے بیان میں میئر لندن صادق خان نے کہا کہ کوئی دو ریاستی حل نہیں ہوسکتا جب فلسطین کہنے کیلئے کوئی قابل عمل ریاست باقی نہ رہے۔
انھوں نے کہا کہ غزہ کے خوفناک مناظر دن بہ دن بدتر ہو رہے ہیں۔ غزہ میں بھوک سے نڈھال بچے مایوسی کے عالم میں ملبے کے نیچے سے غذا کے متلاشی ہیں۔
صادق خان نے کہا کہ امداد کے منتظر فلسطینی خاندانوں کا اسرائیلی فوج قتل کر رہی ہے، برطانوی حکومت اور عالمی برادری کو اس صورتحال کو روکنے کیلئے اسرائیل پر مزید دباو بڑھانا ہوگا۔
