جدید ہندوستانی تھیٹر کی عظیم ہستی اور "تھیٹر آف روٹس" تحریک کے ایک اہم ستون سمجھے جانے والے، مسٹرتھیام کا ڈرامائی فنون میں تعاون تقریباً پانچ دہائیوں پر محیط ہے۔ انہوں نے یہاں رمس اسپتال میں آخری سانس لی۔
مسٹر تھیام نے 1987 سے 1989 تک نیشنل اسکول آف ڈرامہ (این ایس ڈی) کے ڈائریکٹر اور بعد میں 2013 سے 2017 تک اس کے چیئرمین کے طور پر خدمات انجام دیں۔ وہ سنگیت ناٹک اکادمی کے وائس چیئرمین کے عہدے پر بھی فائز رہے۔
مسٹر تھیام کو کئی ایوارڈز بھی مل چکے ہیں۔ انہیں 1987 میں ہدایت کاری کے لیے سنگیت ناٹک اکادمی ایوارڈ اور بعد میں 2012 میں باوقار سنگیت ناٹک اکادمی فیلوشپ سے نوازا گیا۔ 1989 میں حکومت ہند نے انہیں پدم شری سے نوازا۔ ان کی بین الاقوامی حصولیابیوں میں انڈو-گریک فرینڈشپ ایوارڈ (1984)، جان ڈی راک فیلر ایوارڈ (2008) اور میکسیکو و یونان کی تقریبات میں اعزازات شامل ہیں۔
