نیویارک,12 جولائی (مسرت ڈاٹ کام) امریکی وزارت جنگ پینٹاگون نے مشرق وسطی میں اپنے سب سے بڑے، العدید فوجی اڈے پر ایرانی میزائل لگنے کا اعتراف کرلیا
ارنا کے مطابق امریکی وزارت جنگ پنٹاگون نے اعلان کیا ہے کہ گزشتہ مہینے قطر میں واقع امریکا کے العدید ایئر بیس پر ایران کا ایک بیلسٹک میزائل لگا ہے۔
یاد رہے کہ امریکا کا العدید ایئربیس جو قطر میں واقع ہے، مشرق وسطی میں امریکا کا سب سے بڑا فوجی اڈہ ہے۔
امریکی وزارت جنگ پنٹاگون کے ترجمان شین پارنل نے جمعے کو بین الاقوامی ابلاغیاتی ذرائع کے لئے جاری ہونے والے ایک بیان میں کہا ہے کہ 23 جون کو ایران کا ایک بیلسٹک میزائل العدید ایئر بیس پر لگا ہے۔
انھوں نے اسی کے ساتھ یہ دعوی بھی کیا کہ ایران کے فائر کردہ بقیہ میزائلوں کو امریکا اور قطر کے ایئر ڈیفنس نے ہدف تک نہیں پہنچنے دیا۔
