ذرائع کے حوالے سے پیر کو مقامی میڈیا رپورٹس میں یہ اطلاع دی گئی۔
اس سے قبل ایران کی وزارت خارجہ نے کہا تھا کہ تہران اور واشنگٹن کے درمیان قیدیوں کا تبادلہ 18 ستمبر کو ہوگا۔
ذرائع نے ایک خبر رساں ادارے کو بتایا کہ قطر نے دونوں ممالک کو مطلع کیا ہے کہ سوئٹزرلینڈ سے قطری بینک اکاؤنٹس میں 6 بلین ڈالر کی رقم منتقل کردی گئی ہے۔ قطر کا ایک طیارہ ایران میں زیر حراست پانچ امریکی شہریوں اور ان کے دو رشتہ داروں کو لے کر دوحہ جانے کے لیے تیار ہے۔
گزشتہ ہفتے ایرانی صدر ابراہیم رئیسی نے کہا تھا کہ امریکہ کے ساتھ قیدیوں کے تبادلے کا معاہدہ کرنے کے بعد تہران جہاں ضروری سمجھے گا وہاں 6 بلین ڈالر خرچ کرے گا۔
اس سے قبل امریکی محکمہ خارجہ کے ترجمان نے کہا تھا کہ سیکریٹری آف اسٹیٹ انٹونی بلنکن نے ایران کے ساتھ قیدیوں کے تبادلے کے معاہدے کو آگے بڑھانے کے لیے ایک دستاویز پر دستخط کیے تھے، جس کے بعد چھ ارب ڈالر مالیت کے ایرانی فنڈز پر سے پابندی ہٹا دی گئی تھی، جسے جنوبی کوریا کے بینک کھاتوں سے قطر میں منتقل کیا جائے گا۔ امریکی حکام نے یہ بھی کہا کہ تہران صرف انسانی ضروریات کے لیے خرچ کرنے کے قابل ہوگا اور یہ اخراجات کا عمل امریکی کنٹرول میں ہوگا۔
