338 رنوں کے ہدف کا تعاقب کرتے ہوئے ہندوستان کی جانب سے لکشیا رائے چندانی اور آریہ ویر سہواگ نے پہلی وکٹ کے لیے 95 رنوں کی عمدہ شراکت کی۔ آریہ ویر 58 رن بنا کر نقاب شفیق کا شکار بنے۔ اس کے بعد وی کے ونیِت نے لکشیا کے ساتھ 51 رن جوڑے اور 24 رن بنا کر آؤٹ ہوئے۔ لکشیا رائے چندانی نے 80 رنوں کی اننگز کھیلی، لیکن 37ویں اوور میں علی رضا نے انہیں آؤٹ کرکے ہندوستان کو بڑا جھٹکا دیا۔ ارجن راجپوت (16)، یش وردھن چوہان (9)، انوے دراوڑ (19)، آریان سوسانی (9) اور کاویہ پریش پٹیل (8) بھی جلد پویلین لوٹ گئے۔
اس مشکل صورت حال میں منل چوہان اور موہت اولوا نے نویں وکٹ کے لیے 57 رنوں کی اہم شراکت کرکے ہندوستان کی واپسی کرائی۔ منل نے 32 گیندوں میں تین چوکے اور تین چھکے لگا کر 47 رن بنائے۔ وہ 48ویں اوور کی دوسری گیند پر شفیق کا شکار بنے۔ اس کے بعد چگورپتی وینکٹا نے موہت اولوا کا ساتھ دیا۔ اولوا نے 26 گیندوں میں پانچ چوکے اور تین چھکے لگا کر ناٹ آؤٹ 49 رن بنائے اور ہندوستان کو آخری گیند پر ایک وکٹ سے کامیابی دلانے میں اہم کردار ادا کیا۔ ہندوستان نے 50 اوور میں 9 وکٹ پر 339 رن بنا کر خطاب جیت لیا۔ پاکستان کی جانب سے رضوان اللہ نے تین اور شفیق نے دو وکٹ لیے، جبکہ علی رضا، محمد صیام اور حسنین عباس ڈار نے ایک ایک وکٹ حاصل کیا۔
اس سے پہلے ٹاس جیت کر پہلے بلے بازی کرتے ہوئے پاکستان انڈر 19 ٹیم نے عثمان خواجہ (107)، عبدالقادر (80) اور کپتان فرحان یوسف (63) کی شاندار اننگز کی بدولت 50 اوور میں 9 وکٹ پر 337 رن بنائے۔ عثمان خان اور حیام خان نے پہلی وکٹ کے لیے 62 رن جوڑے۔ حیام 21 رن بنا کر کاویہ پریش پٹیل کی گیند پر آؤٹ ہوئے۔
اس کے بعد عبدالقادر نے عثمان خواجہ کے ساتھ دوسری وکٹ کے لیے 135 رنوں کی شراکت کی۔ قادر نے 54 گیندوں میں تین چوکے اور آٹھ چھکے لگا کر 80 رن بنائے۔ وہ 27ویں اوور میں ارجن راجپوت کی گیند پر آؤٹ ہوئے۔ عثمان خواجہ نے 111 گیندوں میں 11 چوکوں اور تین چھکوں کی مدد سے 107 رن بنائے۔ فرحان یوسف نے 63 رنوں کی اننگز کھیلی۔ آخری اووروں میں ہندوستانی گیندبازوں نے اچھی واپسی کرتے ہوئے پاکستانی بلے بازوں کو مسلسل آؤٹ کیا۔
ہندوستان کی جانب سے کاویہ پریش پٹیل نے چار اور چگورپتی وینکٹا نے تین وکٹ حاصل کیے، جبکہ ارجن راجپوت کو ایک وکٹ ملا۔
