نئی دہلی، 31 اگست (مسرت ڈاٹ کام) ہندستان اور کرغزستان نے اسٹریٹجک شراکت داری کو مزید مضبوط بنانے کے عزم کا اظہار کرتے ہوئے اقتصادی اور تجارتی شعبے میں تعاون بڑھانے پر اتفاق کیا ہے۔

وزیرِ اعظم نریندر مودی نے پیر کے روز کرغزستان کے دارالحکومت بشکیک میں شنگھائی تعاون تنظیم (ایس سی او) سربراہ اجلاس کے موقع پر صدر جاپاروف سے ملاقات کی۔

وزارتِ امورِ خارجہ نے بتایا کہ دونوں رہنماؤں نے دو طرفہ تعلقات میں پیش رفت کا جائزہ لیا اور دونوں کے درمیان اسٹریٹجک شراکت داری کو مزید مضبوط کرنے کے اپنے عزم کی توثیق کی۔ دونوں نے ایک دوسرے کی معیشتوں کی تکمیلیت کے طور پر اقتصادی اور تجارتی تعاون کو بڑھانے پر بھی اتفاق کیا۔ انہوں نے طلباء کے تبادلے اور ثقافتی تعاون سمیت عوام کے درمیان بڑھتے تعلقات پر بھی تبادلہء خیال کیا۔

وزیرِ اعظم نے کرغز جمہوریہ کی صدارت میں منعقدہ ایس سی او کے اجلاسوں میں ہندوستان کی مضبوط شرکت کو اجاگر کیا۔ انہوں نے کہا کہ یہ دونوں ممالک کے درمیان قریبی اور دیرینہ تعلقات کی خصوصیت والے باہمی احترام، اعتماد اور تعاون کو ظاہر کرتا ہے۔

مسٹر مودی نے کرغز جمہوریہ کے یومِ آزادی کے موقع پر صدر جاپاروف کو دلی مبارکباد پیش کی۔ انہوں نے 26ویں ایس سی او سربراہ اجلاس کی میزبانی کے لیے بھی صدر جاپاروف کو مبارکباد دی۔