آج یہاں ہندستانی ٹیم نے ٹاس جیت کر پہلے بلے بازی کرنے کا فیصلہ کیا۔ بلے بازی کے لیے اتری ہندستانی ٹیم کا آغاز ایک بار پھر اچھا نہیں رہا اور دوسرے ہی اوور میں بلیسنگ موزاربانی نے ابھشیک شرما (دو) کو آؤٹ کر کے پویلین بھیج دیا۔ اس کے بعد بلے بازی کے لیے آئے ایشان کِشن نے ویبھو سوریہ ونشی کے ساتھ دوسرے وکٹ کے لیے 75 رنز جوڑے۔ 11ویں اوور میں سکندر رضا نے ایشان کِشن کا شکار کر کے ہندستان کو دوسرا جھٹکا دیا۔ ایشان کِشن نے 28 گیندوں میں چار چوکوں کی مدد سے (29) رنز بنائے۔
ہندستان کا تیسرا وکٹ 15ویں اوور میں ویبھو سوریہ ونشی کی صورت میں گرا۔ ویسلے مدھویرے نے سنچری کی طرف بڑھ رہے ویبھو سوریہ ونشی کو آؤٹ کیا۔ ویبھو سوریہ ونشی نے 49 گیندوں میں آٹھ چوکوں اور چار چھکوں کی مدد سے (81) رنز کی اننگ کھیلی۔ 18ویں اوور کی پہلی گیند پر بریڈ ایونز نے کپتان شریاس ایئر کو آؤٹ کیا۔ شریاس ایئر نے 18 گیندوں میں دو چوکوں کی مدد سے (27) رنز بنائے۔
ہندستان نے مقررہ 20 اوورز میں پانچ وکٹوں پر 192 رنز کا بڑا اسکور کھڑا کیا۔ تلک ورما نے (ناٹ آؤٹ 11) رنز بنائے۔ رنکو سنگھ اننگ کی آخری گیند پر کیچ آؤٹ ہوئے۔ رنکو سنگھ نے 14 گیندوں میں دو چوکوں اور ایک چھکا کی مدد سے (25) رنز کی اننگ کھیلی۔
