جب تک زندہ ہیں لوگوں کے مفاد میں کام کرتے رہیں گے : نتیش
جب تک زندہ ہیں لوگوں کے مفاد میں کام کرتے رہیں گے : نتیش
پٹنہ، 24 جنوری 2023، وزیر اعلیٰ نتیش کمار نے باپو آڈیٹوریم، سمراٹ اشوک کنونشن سنٹر میں جن نائک کرپوری ٹھاکر کے 99 ویں یوم پیدائش کے موقع پر منعقدہ تقریب کا باقاعدہ افتتاح کیا۔ جنتا دل یونائیٹڈ کے انتہائی پسماندہ سیل کی طرف سے منعقد اس یوم پیدائش تقریب میں سب سے پہلے وزیر اعلیٰ نے جن نائک کرپوری ٹھاکرکی تصویر پر گلپوشی کرکے خراج عقیدت پیش کیا۔ منتظمین نے وزیر اعلیٰ کوشال، یادگاری تحفہ پیش کر کے استقبال کیا اور انہیں مکھانا اور پھولوں کے ہار پہنائے۔
تقریب سے خطاب کرتے ہوئے وزیر اعلیٰ نے کہا کہ ہم قبل سے ہی جننائک کرپوری ٹھاکر جی کے یوم پیدائش کے موقع پر پروگرام منعقد کر رہے ہیں۔ جننائک کرپوری ٹھاکر جی کا 1988 میں 64 سال کی عمر میں انتقال ہو گیا جس نے ہمیں بہت غمزدہ کر دیا۔ ساتھ ہی ہم نے یہ عزم لیاکہ ہم ان کی سالگرہ کے موقع پر اس پروگرام کا انعقاد جاری رکھیں گے اور یہ پروگرام 1989 سے شروع کیا گیا ۔ پروگرام میں بڑی تعداد میں لوگ شریک ہوتے تھے اس بات کو ذہن میں رکھتے ہوئے ہم نے باپو آڈیٹوریم میں اس پروگرام کو منعقد کرنے کا فیصلہ کیا۔ باپو آڈیٹوریم میں پانچ ہزار لوگوں کے بیٹھنے کی گنجائش ہے۔ مجھے یہ دیکھ کر بہت خوشی ہوئی کہ اس موقع پر عوام کے لیڈر کو یاد کرنے کے لیے بڑی تعداد میں لوگ باپو آڈیٹوریم کے باہر بھی موجود ہیں۔ میں تقریب کے موقع پر موجود آپ سب کو مبارکباد پیش کرتا ہوں۔ جن نائک جی کی یاد کے موقع پر ہم نے ان کی طرف سے کئے گئے ترقیاتی کاموں اور ان کی باتوں کو لوگوں میں پھیلانا شروع کیا۔ کورونا انفیکشن سال 2020 میں آیا جس کی وجہ سے یہ پروگرام پچھلے دو سالوں سے معطل رہا۔ تاہم یہ پروگرام پارٹی دفتر کے کرپوری آڈیٹوریم میں منعقد ہوتا رہا۔ جننائک کرپوری ٹھاکر جی نے ہر طبقے کی ترقی اور ہر علاقے کی ترقی کے لیے کام کیا۔ سال 1978 میں، انہوں نے ایس سی/ایس ٹی ، پسماندہ اور انتہائی پسماندہ طبقات کے لیے ریزرویشن نافذ کیا۔ ان کی حکومت کئی جماعتوں کی حمایت سے چل رہی تھی۔ صرف دو سال کے بعد کچھ لوگوں نے انہیں اقتدار سے بے دخل کر دیا لیکن ریزرویشن نہیں ہٹا سکے۔ انہوں نے ترقی کے تمام کام عوام کے مفاد میں کئے، لوگوں کو سیلاب سے بچانے کا بھی کام کیا۔
وزیراعلیٰ نے کہا کہ اس وقت ہم اپنے علاقے میں باقاعدگی سے گھومتے تھے۔ اہل علاقہ کہنے لگے کہ آپ آگے بڑھیں، کب تک ایم ایل اے رہیں گے۔ جب ہم نے یہ معاملہ جننائک جی کے سامنے رکھا تو انہوں نے پارٹی کے صدر کے طور پر ہمارے نام کا اعلان کیا۔ 1987 میں ہم نے لوگوں کی فرمائش پر کام سنبھال لیا لیکن وہ جلد ہی ہم سب کو چھوڑ کر چلے گئے۔ مجھے ذاتی طور پر بہت تکلیف ہوا۔ ہم نے عہد کیا کہ ہم ان کے خواب کو پورا کریں گے۔ جن نائک جی نے انتہائی پسماندہ، پسماندہ، درج فہرست ذات/قبائل، ہندو، مسلم، اونچی ذات کی ترقی کے لیے کام کیا۔ ان کا کسی سے کوئی اختلاف نہیں تھا۔ انہوں نے کبھی کسی کے خلاف کام نہیں کیا۔ جب ہمیں کام کرنے کا موقع ملا تو ان کے راستے پر چلتے ہوئے تمام مذاہب اور برادریوں کی بہتری کے لیے کام کرنا شروع کر دیا۔ ملک میں پہلی بار ہم نے سال 2006 میں خواتین کو 50 فیصد ریزرویشن دیا تھا جس میں انتہائی پسماندہ کے لیے 20 فیصد، درج فہرست ذاتوں کے لیے 16 فیصد اور درج فہرست قبائل کے لیے 1 فیصد ریزرویشن کا انتظام کیا گیا تھا۔ سال 2007 میں بہار کے بلدیاتی انتخابات میں بھی خواتین کو 50 فیصد ریزرویشن دیا گیا تھا۔ اب تک چار انتخابات ہوچکے ہیں جن میں خواتین کی بڑی تعداد منتخب ہوئی۔ اس سے پہلے خواتین شاذ و نادر ہی الیکشن جیتتی تھیں۔ سال 2022 میں چوتھی بار ہونے والے بلدیاتی انتخابات میں کچھ لوگوں نے انتہائی پسماندہ طبقے کے ریزرویشن کو چیلنج کرنے کے لیے عدالت کا سہارا لیا لیکن انہیں مایوسی ہوئی اور بلدیاتی انتخابات میں نامزدگی کرنے والوں نے ہی الیکشن لڑا۔
وزیر اعلیٰ نے کہا کہ ہم نے غریب گھرانوں کے بچوں کو تعلیم دینے اور آگے لے جانے کے لیے بہت سے کام کیے ہیں۔ لڑکیوں کے لیے ڈریس ا سکیم اور سائیکل ا سکیم شروع کی جو ملک میں کہیں نہیں تھی۔ بیرون ملک سے آنے والے لوگوں نے اس کام کو دیکھا اور خوب سراہا۔ کچھ لوگ کام کرنے کے بجائے صرف تشہیر پر یقین رکھتے ہیں، ہم عوام کی بہتری کے لیے کام کرتے ہیں، لیکن اس کی چرچہ بہت کم ہے۔ سال 2011 سے ہم نے لڑکوں کو بھی سائیکل اسکیم کا فائدہ دینا شروع کیا۔ جب مجھے کام کرنے کا موقع ملا تو بہار کی اوسط شرح پیدائش 4.3 تھی۔ قومی سطح پر کی گئی تحقیق میں یہ بات سامنے آئی کہ اگر بیوی میٹرک پاس ہے تو ملک کی شرح پیدائش 2 ہے اور بہار کی شرح پیدائش بھی 2 ہے، اگر یہی بیوی انٹرمیڈیٹ ہے تو ملک کی شرح پیدائش 1.7 ہے، جبکہ بہار کا مجھے یہ جان کر بہت خوشی ہوئی کہ کا 1.6 ہے۔ زیادہ سے زیادہ لڑکیوں کو تعلیم دینے کی سمت میں کافی کام کیا گیا ہے، جس کے نتیجے میں اب بہار کی شرح افزائش 4.3 سے گھٹ کر 2.9 پر آ گئی ہے۔ اسے 2 تک کم کرنا ہوگا۔ بہار رقبے کے لحاظ سے ملک میں 12ویں نمبر پر ہے، جب کہ آبادی کے لحاظ سے تیسرے نمبر پر ہے، لیکن سال 2040 سے آبادی میں استحکام آنا شروع ہو جائے گا۔ آپ سب پریشان نہ ہوں۔ اس کے لیے ہر طرح سے کام کیا جا رہا ہے۔ بہار کی تیز رفتاری سے ترقی کے لیے ہم خصوصی ریاست کا درجہ دینے کا مطالبہ کرتے رہے ہیں۔
