گزشتہ مالی سال کی اسی سہ ماہی میں کمپنی کو 12,819 کروڑ روپے کا خالص منافع ہوا تھا۔ اس طرح سالانہ بنیاد پر منافع 4.69 فیصد بڑھا ہے۔ تاہم سہ ماہی بنیاد پر منافع میں کمی آئی ہے۔ جنوری تا مارچ 2026 کی سہ ماہی میں یہ 13,784 کروڑ روپے تھا۔
کمپنی کے بورڈ آف ڈائریکٹرز نے فی ایکویٹی شیئر 12 روپے کے عبوری ڈیویڈنڈ کی تجویز دی ہے۔ اس کے لیے ریکارڈ ڈیٹ 15 جولائی مقرر کی گئی ہے۔ اس کا مطلب ہے کہ عبوری ڈیویڈنڈ کا مختص اس دن کی شیئر ہولڈنگ کی بنیاد پر کیا جائے گا۔
اس سہ ماہی کے دوران کمپنی کی مجموعی آپریشنل آمدنی 13.93 فیصد بڑھ کر 72,275 کروڑ روپے تک پہنچ گئی۔ تاہم امریکہ میں ایک عدالتی معاملہ ہارنے کے بعد قانونی دعویٰ کے لئے پہلی سہ ماہی میں 7 کروڑ ڈالر (تقریباً 668 کروڑ روپے) کے التزام کی وجہ سے کمپنی کے منافع پر منفی اثر پڑا۔
ٹی سی ایس کی آمدنی کا سب سے بڑا ذریعہ بینکنگ، مالیاتی خدمات اور انشورنس کا شعبہ بناہوا ہے۔ اس شعبے کے کلائنٹ سے اسے 27,990 کروڑ روپے کی آمدنی حاصل ہوئی ہے۔ اس کے بعد بالترتیب کنزیومر بزنس اور کمیونیکیشن، میڈیا اور ٹیکنالوجی کا مقام رہا۔
کمپنی نے جمعرات کو شیئر بازار بند ہونے کے بعد سہ ماہی نتائج جاری کیے۔ اس سے قبل آج اس کا شیئر 10.80 روپے (0.52 فیصد) گرکر 2,047 روپے رہ گیا۔
