قالیباف نے سوشل میڈیا پلیٹ فارم "ایکس" پر جاری اپنے بیان میں کہا کہ اگر امریکی دھمکیاں واقعی مؤثر ہوتیں تو واشنگٹن آج اس صورتحال سے دوچار نہ ہوتا جس کا اسے سامنا ہے۔
انہوں نے کہا کہ امریکی رہنماؤں کو اپنے بیانات میں احتیاط برتنی چاہیے اور غیر ذمہ دارانہ دھمکیوں سے گریز کرنا چاہیے۔
ایرانی اسپیکر نے مزید کہا کہ ایران کی مسلح افواج ہر ممکن صورتحال سے نمٹنے کے لیے مکمل طور پر تیار ہیں اور ضرورت پڑنے پر مختلف انداز میں جواب دینے کی صلاحیت رکھتی ہیں۔
انہوں نے کہا، "وہ جو چاہیں کہتے رہیں، لیکن عملی اقدامات ہم کریں گے۔"
قالیباف کا یہ بیان ایسے وقت میں سامنے آیا ہے جب امریکہ اور ایران کے درمیان سوئٹزرلینڈ میں مذاکرات کا نیا دور جاری ہے اور دونوں ممالک کے درمیان کشیدگی کم کرنے کی کوششیں کی جا رہی ہیں۔
