جمعرات کو کھیلے گئے فیصلہ کن میچ میں النصر کو ٹائٹل جیتنے کیلئے کامیابی درکار تھی، جسے ٹیم نے شاندار انداز میں حاصل کر لیا۔
النصر نے پہلے ہاف میں سادیو مانے کے گول کی بدولت برتری حاصل کی اور وقفے تک دماق پر دباؤ برقرار رکھا۔
دوسرے ہاف کے 52ویں منٹ میں کومان نے النصر کیلئے دوسرا گول اسکور کیا، تاہم آٹھ منٹ بعد دماق نے پنالٹی پر گول کر کے خسارہ کم کر دیا۔
اس کے بعد کرسٹیانو رونالڈو نے 63ویں منٹ میں گول کر کے ٹیم کی برتری مزید مستحکم کر دی، جبکہ میچ کے اختتامی لمحات میں انہوں نے اپنا دوسرا اور ٹیم کا چوتھا گول اسکور کیا۔
اس فتح کے ساتھ النصر نے نہ صرف میچ 1-4 سے جیتا بلکہ سات سال بعد سعودی پرو لیگ کی ٹرافی بھی اپنے نام کر لی۔
کامیابی کے بعد النصر کے کھلاڑیوں نے میدان میں بھرپور جشن منایا، جبکہ کرسٹیانو رونالڈو بھی ڈرم بجا کر خوشی کا اظہار کرتے نظر آئے۔
