ہندوستان میں ایرانی سفارت خانے نے سوشل میڈیا پر پوسٹ کرتے ہوئے بتایا ہے کہ ایران کے وزیر خارجہ عباس عراقچی برکس ممالک کے وزرائے خارجہ کے اجلاس میں شرکت کے لیے نئی دہلی آئیں گے۔
دورے کے دوران، عراقچی ہندوستان کے وزیر خارجہ ڈاکٹر ایس جے شنکر سمیت اجلاس میں شریک دیگر ممالک کے وزراء اور حکام سے بھی ملاقات کریں گے۔
یہ اجلاس 14 اور 15 مئی کو ہندوستان کی صدارت میں منعقد ہوگا۔ اسے ستمبر میں نئی دہلی میں ہونے والے 18ویں برکس سربراہی اجلاس کی تیاری کے طور پر دیکھا جا رہا ہے، جس کی میزبانی اس سال ہندوستان کرے گا۔
