اس سے قبل رپورٹ کے مطابق مستفیض الرحمان کو 26 مارچ سے 12 اپریل اور پھر 24 اپریل سے 3 مئی تک این او سی دیا گیا تھا۔ وہ نیوزی لینڈ کے خلاف صرف ون ڈے سیریز کھیلنے والے تھے، ٹی ٹوئنٹی سیریز کا حصہ نہیں تھے۔
انجری کے باعث ابتدائی دو ون ڈے میچز سے باہر رہنے والے مستفیض الرحمان نے فیصلہ کن تیسرے میچ میں واپسی کی اور پانچ وکٹیں لے کر شاندار کارکردگی دکھائی۔
تاہم تیسرے ون ڈے کے بعد بی سی بی نے واضح کیا کہ وہ مستفیض الرحمان کو پی ایس ایل کے لیے ریلیز نہیں کرے گا، جہاں وہ لاہور قلندرز کا حصہ تھے۔
بی سی بی نے اپنے بیان میں کہا کہ ٹیم کے میڈیکل اسٹاف نے مستفیض الرحمان کی حالت کا جائزہ لیا ہے اور مزید جانچ کے لیے فوری اسکین کرانے کا فیصلہ کیا گیا ہے۔ اس کے بعد وہ بورڈ کے میڈیکل پینل کی نگرانی میں ری ہیبلیٹیشن پروگرام شروع کریں گے۔
بیان میں کہا گیا کہ اسی تناظر میں مستفیض الرحمان کو دیا گیا این او سی واپس لے لیا گیا ہے، جس کے باعث وہ پی ایس ایل 2026 کے باقی میچز میں شرکت نہیں کریں گے۔
