ہندوستانی تجارتی وفد اس ہفتے امریکہ کا دورہ کرے گا۔ یہ ہمارے دوطرفہ تجارتی معاہدے کو حتمی شکل دینے کی سمت میں ایک اہم قدم ہے۔ اس معاہدے سے دونوں ممالک کو فائدہ پہنچے گا۔"رواں سال فروری کے پہلے ہفتے میں دونوں ممالک نے ایک عبوری تجارتی معاہدے کا اعلان کیا تھا، جس کے خدوخال طے پا چکے ہیں لیکن اسے باقاعدہ حتمی شکل دینا ابھی باقی ہے۔
چیف ٹریڈ نیگوشئیٹر کی قیادت میں بھارتی حکام کا وفد پیر سے امریکہ کا دورہ کر رہا ہے، جہاں دونوں جانب کے مذاکرات کار آمنے سامنے بیٹھ کر حل طلب مسائل پر گفتگو کریں گے۔ یہ مذاکرات تقریباً تین ماہ کے وقفے کے بعد دوبارہ شروع ہو رہے ہیں۔ فروری میں بھارتی وفد کے دورہ واشنگٹن کی تیاریاں مکمل تھیں، لیکن 20 فروری کو امریکی سپریم کورٹ نے صدر ڈونلڈ ٹرمپ کی جانب سے ہنگامی اختیارات کے تحت درآمدی محصولات کے فیصلے کو مسترد کر دیا تھا، جس کے باعث یہ دورہ ملتوی کرنا پڑا تھا۔واضح رہے کہ امریکہ نے اگست 2025 میں ہندوستان کے خلاف دو مراحل میں مجموعی طور پر 50 فیصد درآمدی ڈیوٹی عائد کر دی تھی۔
