نیتن یاہو نے نقصانات کا معائنہ کرتے ہوئے کہا کہ تازہ حملے ایران کی طرف سے درپیش عالمی خطرے کو اجاگر کرتے ہیں۔
انہوں نے کہاکہ "اگر آپ کو اس بات کا ثبوت چاہیے کہ ایران پوری دنیا کے لیے خطرہ ہے، تو پچھلے 48 گھنٹے اس کا ثبوت ہیں۔ ایران نے ایک شہری علاقے کو نشانہ بنایا ہے، وہ اسے اجتماعی قتل کے ہتھیار کے طور پر استعمال کر رہے ہیں۔"
عراد پر حملے سے عمارتوں اور سہولیات کو شدید نقصان پہنچا، اگرچہ کوئی ہلاکت نہیں ہوئی۔ حکام نے کہا کہ یہ نتیجہ محض خوش قسمتی تھی کیونکہ عمارتیں بری طرح تباہ ہوئیں اور بھاری وار ہیڈز والے بیلسٹک میزائلوں کے اثر سے آگ بھڑک اٹھی۔
نیتن یاہو نے تل ابیب کے اقدامات کو ایران کے خلاف وسیع تر بین الاقوامی کوشش کا حصہ قرار دیتے ہوئے کہاکہ"ہم پوری دنیا کے لیے مل کر کام کر رہے ہیں اور وقت آ گیا ہے کہ باقی ممالک کے رہنما بھی شامل ہوں"، انہوں نے امریکہ کی جانب سے وسیع تر عالمی حمایت کی اپیل کی۔
اسرائیلی رہنما نے یہ بھی دعویٰ کیا کہ ایران نے بحرِ ہند میں ڈیاگو گارشیا پر قائم مشترکہ امریکی-برطانوی فوجی مرکز کی طرف بین براعظمی بیلسٹک میزائل داغا ہے — اگر اس کی تصدیق ہو جائے تو یہ تنازعے کے جغرافیائی دائرے کو نمایاں طور پر وسیع کر دے گا۔
امریکی صدر ڈونلڈ ٹرمپ کے اتحادیوں کی شمولیت کی اپیل کا حوالہ دیتے ہوئے نیتن یاہو نے کہا کہ یہ "پوری دنیا کی سلامتی کے لیے ہے"۔
انہوں نے کہاکہ "وہ سب کو اپنے نشانے پر لے رہے ہیں۔"
نیتن یاہو نے کہا کہ آئی ڈی ایف کی مہم مزید شدت اختیار کرے گی اور روایتی فوجی اہداف سے آگے بڑھے گی۔
انہوں نے کہاکہ "ہم ان کے پیچھے ذاتی طور پر جا رہے ہیں، ان کے رہنماؤں، ان کی تنصیبات، ان کے معاشی اثاثوں کے پیچھے۔ ہم ان کے پیچھے ذاتی طور پر جا رہے ہیں۔"
