صدر جمہوریہ مرمو نے ہفتے کے روز سوشل میڈیا پلیٹ فارم پر ایک پوسٹ میں کہا کہ 'عید الفطر کے مبارک موقع پر تمام اہلِ وطن خصوصاً مسلم بہنوں اور بھائیوں کو دلی مبارکباد۔ یہ تہوار خود کو کنٹرول، خدمت، فلاح و بہبود اور محروم طبقات کے لیے ہمدردی کا جذبہ رکھنے کی تعلیم دیتا ہے۔آئیے اس موقع پر ہم معاشرے اور ملک کو مضبوط بنانے کا عزم کریں۔
نائب صدر جمہوریہ رادھا کرشنن نے اپنے پیغام میں کہا کہ 'عید مبارک! یہ مقدس موقع امید، ہم آہنگی اور ہمدردی کی ترغیب دیتا ہے اور یہ آپ کی زندگی میں خوشی و کامیابی لے کر آئے۔
وزیر اعظم مودی نے بھی اہلِ وطن کو مبارکباد دیتے ہوئے سوشل میڈیا پوسٹ میں کہا کہ 'عید الفطر کی دلی مبارکباد۔ یہ مقدس موقع ہمارے معاشرے میں بھائی چارے اور ہمدردی کے جذبے کو مزید مضبوط کرے۔ میں سب کی خوشی اور اچھی صحت کی دعا کرتا ہوں۔ عید مبارک! یہ تہوار رمضان کے مقدس مہینے کے اختتام کے بعد چاند نظر آنے پر منایا جاتا ہے۔
