یہ ریس 26 سے 28 مارچ 2026 تک قطر کے لوسیل انٹرنیشنل سرکٹ پر منعقد ہونی تھی۔ ایف آئی اے حکام اور قطر موٹر اینڈ موٹر سائیکل فیڈریشن نے ڈرائیوروں، ٹیموں اور شائقین کی حفاظت اور سکیورٹی کو اولین ترجیح دیتے ہوئے یہ فیصلہ کیا ہے۔ ریس کی نئی تاریخ کا اعلان جلد کیا جائے گا، تاہم امکان ہے کہ یہ ایونٹ سال کے دوسرے حصے (سیکنڈ ہاف) میں منعقد ہوگا۔قطر ایونٹ کے ملتوی ہونے کے بعد اب چیمپئن شپ کا باقاعدہ آغاز اٹلی میں ہوگا۔ایف آئی اے کے صدر محمد بن سلیم نے اپنے بیان میں کہا"ہماری کمیونٹی کی حفاظت اور بہبود ہمیشہ ہماری پہلی ترجیح رہے گی۔ ہم خطے کی صورتحال پر نظر رکھے ہوئے ہیں اور ہماری ہمدردیاں ان تمام لوگوں کے ساتھ ہیں جو حالیہ واقعات سے متاثر ہوئے ہیں۔ ہم امن اور استحکام کی واپسی کے لیے پرامید ہیں۔
