عہدیدار کے مطابق اگرچہ خطے میں امریکی فوجی موجودگی میں اضافہ دیکھا جا رہا ہے، تاہم سفارتی سطح پر رابطے منقطع نہیں ہوئے۔ انہوں نے کہا کہ امریکی فریق کے ساتھ عبوری معاہدے تک پہنچنے کا امکان موجود ہے، لیکن پابندیوں کے خاتمے کے طریقہ کار اور دائرہ کار پر دونوں جانب اختلاف برقرار ہے۔
ان کا کہنا تھا کہ تہران اور واشنگٹن کے درمیان بنیادی اختلاف اس بات پر ہے کہ پابندیاں کس مرحلے پر اور کس حد تک اٹھائی جائیں۔
ایرانی عہدیدار نے یہ بھی اشارہ دیا کہ ایران میں موجود اعلیٰ سطح پر افزودہ یورینیم کے ذخیرے کے ایک حصے کو بیرون ملک منتقل کرنے کے امکان پر بات چیت کی جا سکتی ہے، حالانکہ اس سے قبل ایرانی حکام اس تجویز کی تردید کرتے رہے ہیں۔
مبصرین کے مطابق اگر عبوری معاہدہ طے پا جاتا ہے تو اس سے دونوں ممالک کے درمیان کشیدگی میں عارضی کمی اور معاشی دباؤ میں ممکنہ نرمی آ سکتی ہے۔
