قابلِ ذکر ہے کہ ایئر نے کیرالہ کے وزیرِ اعلیٰ پینارائی وجین کی بھرپور تعریف کرتے ہوئے پیش گوئی کی ہے کہ آئندہ انتخابات میں دوبارہ بائیں محاذ (ایل ڈی ایف) کی حکومت ہی اقتدار میں آئے گی۔
کیرالہ میں ایل ڈی ایف کے حق میں دیے گئے اس بیان سے پارٹی قیادت نے واضح طور پر فاصلہ بنا لیا ہے۔ کانگریس کے جنرل سکریٹری کے. سی. وینوگوپال نے کہا کہ یہ ان کے ذاتی خیالات ہیں اور پارٹی کا سرکاری مؤقف نہیں ہے۔
کانگریس رہنما رمیش چنّی تھلا نے بھی اس تبصرے کو نامناسب قرار دیتے ہوئے کہا کہ آل انڈیا کانگریس کمیٹی واضح کر چکی ہے کہ ایئر اب کانگریس کا حصہ نہیں ہیں۔ وہیں کانگریس کمیونیکیشن ڈپارٹمنٹ کے چیئرمین پون کھیڑا نے اسے "بڑھاپے کا اثر" قرار دیتے ہوئے کہا کہ ایسے بیانات سے اپوزیشن کو بلاوجہ حملہ کرنے کا موقع ملتا ہے۔ راجستھان کے رہنما سچن پائلٹ نے بھی ایئر پر نشانہ لگاتے ہوئے کہا کہ وہ پارٹی کا حصہ نہیں ہیں اور ان کے خیالات کانگریس کی نمائندگی نہیں کرتے۔
کیرالہ اسمبلی انتخابات میں بائیں محاذ کی واپسی کی پیش گوئی کے بعد پیدا ہوئے تنازع نے صاف کر دیا ہے کہ کانگریس قیادت ایئر کے بیانات سے مکمل طور پر لاتعلق ہے۔
اس کے ساتھ ہی انہوں نے لوک سبھا میں اپوزیشن کے رہنما راہل گاندھی کے بارے میں بھی متنازعہ بیان دیا ہے۔ ایئر نے مبینہ طور پر کہا ہے کہ وہ گاندھی وادی، نہرو وادی اور راجیو وادی ہو سکتے ہیں، لیکن "راہل وادی" نہیں۔ انہوں نے ڈاکٹر امبیڈکر کی سوانح عمری ’A Part Apart‘ کا حوالہ دیتے ہوئے یہی بات دہرائی کہ وہ گاندھی وادی، نہرو وادی اور راجیو وادی ہو سکتے ہیں، لیکن "راہل وادی" نہیں۔
