سی بی ایس ای کی جانب سے جاری نوٹیفکیشن کے مطابق اگر کوئی طالب علم کسی بھی وجہ سے پہلے امتحان میں تین یا اس سے زائد مضامین میں شریک نہیں ہوتا تو اسے دوسری بورڈ امتحان میں بیٹھنے کی اجازت نہیں دی جائے گی۔ ایسے طلبہ کو لازمی اعادہ (کمپلسری ریپیٹ) کے زمرے میں رکھا جائے گا اور وہ اگلے سال فروری میں منعقد ہونے والے مرکزی امتحان میں ہی شرکت کر سکیں گے۔
نوٹیفکیشن میں کہا گیا ہے کہ پہلے امتحان میں کامیاب اور اہل طلبہ سائنس، ریاضی، سماجی علوم اور زبانوں میں سے زیادہ سے زیادہ تین اہم مضامین میں اپنی کارکردگی بہتر بنانے کے لیے دوسری امتحان میں شامل ہو سکتے ہیں۔ جن طلبہ کا نتیجہ پہلی امتحان میں کمپارٹمنٹ آتا ہے، انہیں دوسری امتحان میں کمپارٹمنٹ زمرے کے تحت بیٹھنے کی اجازت دی جائے گی۔
سی بی ایس ای کے مطابق یہ نوٹیفکیشن امتحانی عمل کو زیادہ شفاف اور منظم بنانے کی سمت ایک اہم قدم ہے۔ قابلِ ذکر ہے کہ سی بی ایس ای نے 2026 کے تعلیمی سیشن سے دسویں جماعت کے لیے سال میں دو مرتبہ بورڈ امتحان منعقد کرنے کا فیصلہ کیا ہے۔
