پشاور، 25 جنوری (مسرت ڈاٹ کام) پاکستان کے صوبہ خیبرپختونخوا میں شادی کی ایک تقریب میں ہونے والے خودکش حملے میں حکومت کے حامی عسکریت پسند گروپ کا کمانڈر مارا گیا ہے۔ سحر ٹی وی نے رپورٹ میں یہ اطلاع دی۔
پاکستان کے صوبہ خیبرپختونخوا کے علاقے ڈیرہ اسماعیل خان میں شادی کی تقریب میں ہونے والے مشتبہ خودکش حملے میں کم از کم چھ افراد ہلاک ہو گئے۔
ذرائع کا کہنا ہے کہ دھماکہ وزیرستان کنٹریکٹر یونین کے سربراہ نور حسن محسود کے گھر پر شادی کی تقریب کے دوران ہوا۔
ذرائع کے مطابق "امن کمیٹی" یا "گڈ طالبان" کے نام سے مشہور حکومت نواز عسکریت پسند گروپ کا سربراہ عبدالواحد معروف بھی ہلاک ہونے والوں میں شامل ہے۔
ابھی تک کسی گروپ نے اس حملے کی ذمہ داری قبول نہیں کی۔
