اس کے بعد بلے بازی کے لیے آئے تلک ورما نے گائیکواڑ کے ساتھ مل کر اننگز کو سنبھالا۔ دونوں کے درمیان تیسرے وکٹ کے لیے 89 رنز کی شراکت قائم ہوئی۔ تیسرے وکٹ کے طور پر تلک ورما 39 رنز بنا کر آؤٹ ہوئے۔ ایشان کشن (17) اور نیتیش کمار ریڈی 37 رنز بنا کر آؤٹ ہوئے۔ 41ویں اوور میں ٹیان وین وورن نے ریتوراج گائیکواڑ کو آؤٹ کیا۔ ریتوراج گائیکواڑ نے 129 گیندوں پر 12 چوکوں کی مدد سے 117 رنز بنائے۔
ہندوستان نے 49.3 اوورز میں چھ وکٹوں کے نقصان پر 290 رنز بنا کر میچ چار وکٹوں سے جیت لیا۔ نشانت سندھو 29 رنز اور ہرشیت رانا 6 رنز بنا کر ناٹ آؤٹ رہے۔
جنوبی افریقہ کے لیے ٹیان وین وورن، بیورن فورٹن اور آٹنیل بارٹمین نے دو، دو وکٹیں حاصل کیں۔
اس سے پہلے آج یہاں ٹاس جیت کر جنوبی افریقہ اے نے پہلے بلے بازی کا فیصلہ کیا۔ بلے بازی کے لیے اترنے والی جنوبی افریقہ اے کی شروعات انتہائی خراب رہی اور ہندوستانی گیندبازوں نے محض 16 رنز کے اسکور پر اس کے چار بلے بازوں کو پویلین بھیج دیا۔ پہلے اوور میں ارشدیپ سنگھ نے روبن ہارمن (صفر) کو آؤٹ کیا۔ اسی اوور میں تلک ورما نے جارڈن ہارمن (صفر) کو رن آؤٹ کر کے ہندوستان کو دوسری کامیابی دلائی۔ جنوبی افریقہ کا تیسرا وکٹ کپتان مارکوس ایکرمین (صفر) کے طور پر گر گیا۔پانچویں اوور میں ارشدیپ سنگھ نے ریوالڈو مونسا می (10) کو آؤٹ کر کے پویلین بھیج دیا۔ 16 رنز پر چار وکٹیں گنوانے کے بعد بحران میں پھنسی جنوبی افریقہ کے لیے سینیتیمبا کیشیلے اور دیان فاریسٹر نے اننگز کو سنبھالنے کی کوشش کی۔ بارہویں اوور میں نشانت سندھو نے سینیتیمبا کیشیلے (15) کو آؤٹ کر کے ہندوستان کو پانچویں کامیابی دلائی۔
اس کے بعد جنوبی افریقہ اے کو نچلی صف کے بلے بازوں نے سہارا دے کر قابلِ دفاع اسکور تک پہنچانے میں مدد دی۔ پانچواں وکٹ گرنے کے بعد بیٹنگ کے لیے ڈیلانو پاٹجیٹر نے دیان فاریسٹر کے ساتھ مل کر نہ صرف اننگز کو سنبھالا بلکہ دونوں نے تیز رفتاری سے رنز بھی بنائے۔ دونوں کے درمیان چھٹے وکٹ کے لیے 113 رنز کی شراکت قائم ہوئی۔
32ویں اوور میں ریان پراگ نے دیان فاریسٹر کو آؤٹ کر کے اس شراکت کا اختتام کیا۔ دیان فاریسٹر نے 83 گیندوں میں چار چوکے اور چار چھکے لگا کر 77 رنز بنائے۔ بیورن فورٹن نے 56 گیندوں پر آٹھ چوکے لگا کر 59 رنز بنائے، جنہیں ہرشیت رانا نے آؤٹ کیا۔ ڈیلانو پاٹجیٹر کو نیتیش کمار ریڈی نے 46ویں اوور میں آؤٹ کیا۔ پاٹجیٹر نے 105 گیندوں میں 10 چوکے اور ایک چھکا لگا کر 90 رنز کی اہم اننگز کھیلی۔ جنوبی افریقہ کا نواں وکٹ شپپو موریکی (صفر) کے طور پر گرا، جسے ارشدیپ سنگھ نے بولڈ کیا۔ جنوبی افریقہ اے نے مقررہ 50 اوورز میں نو وکٹوں کے نقصان پر 285 رنز بنائے۔
ہندوستان اے کے لیے ارشدیپ سنگھ اور ہرشیت رانا نے دو، دو وکٹیں حاصل کیں۔ نیتیش کمار ریڈی، پرسدھ کرشن، نشانت سندھو اور ریان پراگ نے ایک، ایک بلے باز کو آؤٹ کیا۔
