عآپ کے لیڈر سوربھ بھاردواج نے کہا کہ حکومت نے حال ہی میں 170 کلینک بند کر دیے ہیں۔ انہوں نے زور دے کر کہا کہ اس فیصلے سے دہلی کے تقریباً 20,000 باشندوں کی روزانہ مفت طبی مشاورت، ادویات اور ٹیسٹ تک رسائی کی سہولت ختم ہو گئی ہے۔
مسٹر بھاردواج نے انتظامیہ پر خفیہ طور محلہ کلینکس کوبند کرنے کا الزام لگایا۔ انہوں نے بتایا کہ چیف ڈسٹرکٹ میڈیکل آفیسرز نے عملے کو فون کال اور ای میل کے ذریعے مطلع کیا کہ ان کی خدمات ختم کردی گئی ہیں۔
اے اے پی لیڈر نے بی جے پی لیڈروں کے ماضی کے وعدوں کو بھی یاد دلایا۔ انہوں نے یاد دلایا کہ دہلی انتخابات کے دوران مرکزی وزیر داخلہ امیت شاہ نے یقین دلایا تھا کہ عوامی بہبود کی کوئی بھی اسکیم بند نہیں کی جائے گی۔ مزید برآں، انہوں نے دعویٰ کیا کہ وزیر اعلیٰ ریکھا گپتا کی جانب سے نئے 'آروگیہ مندر' میں عہدوں کے لیے ان عملے کو ترجیح دینے کی یقین دہانی کو پورا نہیں کیا گیا ہے۔
پارٹی کا دعویٰ ہے کہ محلہ کلینک کی بندش سے صحت عامہ کے کامیاب ماڈل کو منظم طریقے سے ختم کرنے کی نیت ظاہر ہوتی ہے۔ یہ الزامات قومی دارالحکومت میں صحت کی پالیسی اور گورننس پر جاری سیاسی مباحثے کے ضمن میں لگائے گئے ہیں۔
