یہاں سے جاری ایک بیان میں مسٹر مدنی نے کہا کہ اسلام کے پیروکاروں کی اصل ذمہ داری یہ ہے کہ وہ پیغمبر اسلام کو زندگی میں اپنا آئیڈیل اور رہنما بنائیں اور ان کی شخصیت کو کسی ردعمل یا احتجاج کا موضوع نہ بنایا جائے کیونکہ یہ ان کے احترام اور تقدس کے لیے ضروری ہے۔
مولانا مدنی نے اتر پردیش حکومت پر زور دیا کہ وہ عوامی جذبات اور مذہبی رہنماؤں کا احترام کرے اور صرف نعروں اور پوسٹروں کی بنیاد پر لوگوں کو گرفتار کرنے اور قید کرنے کے غیر منصفانہ عمل سے گریز کرے۔ مولانا مدنی نے لوگوں کو صبر و تحمل سے کام لینے اور قانونی اور جمہوری طریقوں سے اپنا مقدمہ پیش کرنے اور کسی بھی قسم کی سازشوں اور ہیرا پھیری سے چوکنا رہنے کی تلقین کی۔
