تہران، 12 جولائی (مسرت ڈاٹ کام) پاکستان کے وزیر خارجہ نے مطالبہ کیا ہے کہ ایران کا ایٹمی مسئلہ ڈپلومیسی کے ذریعے حل کیا جائے
ارنا کے مطابق پاکستان کے وزیر خارجہ سینیٹر محمد اسحاق ڈار نے کوالا لمپور میں علاقائی تنظیم آسیان کے بتیسویں اجلاس سے خطاب میں اسلامی جمہوریہ ایران اور اسرائیل کے درمیان جنگ بندی کا خیر مقدم کیا۔
انھوں نے کہا کہ جنگ کے پھیلاؤ کو روکنے کے لئے تہران کی مساعی قابل تحسین ہیں۔
پاکستان کے وزیر خارجہ نے اپنے خطاب میں مقبوضہ فلسطین میں غاصب صیہونی حکومت کے جرائم کی مذمت کی اور کہا کہ فلسطینی عوام کی امنگوں اور آزاد فلسطینی ریاست کی تشکیل کی حمایت نیزاس حوالے سے کہ فلسطینی ریاست کا دارالحکومت بیت المقدس ہونا چاہئے، پاکستان کا موقف اٹل ہے۔
