Masarrat
Masarrat Urdu

اگر سوڈان میں تنازع ختم نہ کیا گیا تو اس سے خطے کے ممالک متاثر ہوسکتے ہیں: اقوام متحدہ

Thumb

اقوام  متحدہ، 24 مئی (مسرت ڈاٹ کام) اقوام متحدہ نے کہا  ہے کہ اگر سوڈان میں  تنازع ختم نہ کیا گیا تو اس سے خطے کے ممالک متاثر ہوسکتے ہیں۔

اقوام  متحدہ نے صلح کی طرف  مبذول کراتے ہوئے کہا کہ سوڈان میں فریقین کو عوام  کے مفادات کو ترجیح دیتے ہوئے تنازعات کا خاتمہ کرنا چاہیے۔
اقوام متحدہ کے ترجمان سٹیفن دوجارچ نے  یومیہ  پریس کانفرنس میں سوڈان میں تصادم  کے علاقائی اثرات کا جائزہ لیا۔
دوجارچ  نے اس طرف اشارہ کرتے ہوئے کہا ہے کہ خطہ پہلے ہی "نازک" صورتحال سے دوچار  ہے، کہ سوڈان میں فریقین کو عوام کے مفادات کو ترجیح دیتے ہوئے تنازعات کا  خاتمہ کرنا چاہیے۔
انہوں نے خبردار کیا ہے   کہ سوڈان میں تنازعات  جنوبی سوڈان، چاڈ اور خطے کے دیگر ممالک کی صورت حال کو متاثر کر سکتے ہیں ،  "اگر سوڈان میں  جھڑپوں کا سد باب نہ کیا گیا  یہ نہ صرف سوڈان بلکہ پورے  خطے کو متاثر کرسکتی ہیں ۔
دوجارچ نے بتایا کہ اقوام متحدہ کے انسانی  ہمدردی کے کارکن قلیل مدتی جنگ بندی پر اتفاق کے بعد 40 لاکھ افراد تک  امداد کے تقریباً 168 ٹرک پہنچانے کی تیاری کر رہے ہیں، تاہم موجودہ  صورتحال اب بھی مکمل طور پر انسانی بنیادوں پر کارروائیاں کرنے کی اجازت  نہیں دیتی۔
انہوں نے مزید کہا کہ اقوام متحدہ نے مختصر مدت کی جنگ بندی  کی نگرانی میں کوئی باضابطہ کردار ادا نہیں کیا، لیکن اسٹریٹجک اور تکنیکی  مدد فراہم کی۔

Ads