Masarrat
Masarrat Urdu

ایران کے حملے میں امریکی فضائی دفاعی نظام کے دو ریڈار تباہ

  • 22 Nov 2026
  • مسرت ڈیسک
  • دنیا
Thumb

تہران، 22 نومبر (مسرت ڈاٹ کام) ایران نے بحرین کے الرِفاع اور عوالی ہوائی اڈوں پر میزائلوں اور ڈرونز سے حملے کیے، جن کے نتیجے میں وہاں تعینات امریکی پیٹریاٹ فضائی دفاعی نظام کے دو ریڈار تباہ ہوگئے۔

فارس نیوز نے یہ اطلاع دی۔ رپورٹ کے مطابق، ایران کی اسلامی انقلابی گارڈ کور (آئی آر جی سی) نے میزائلوں اور ڈرونز کے ذریعے مشترکہ کارروائی کرتے ہوئے ان حملوں کو انجام دیا۔

آئی آر جی سی نے بتایا کہ اس کارروائی کا خفیہ نام ’’یا امّ البنیں‘‘ (اے بیٹوں کی ماں) رکھا گیا تھا۔ یہ حملے امریکہ کی مسلسل کارروائیوں اور ایم کیو۔1 و ایم کیو۔9 جاسوسی اور جنگی ڈرونز کے ذریعے ایرانی فضائی حدود کی خلاف ورزیوں کے جواب میں کیے گئے۔

آئی آر جی سی نے خبردار کیا کہ ایرانی فضائی حدود ایک ’’سرخ لکیر‘‘ ہے اور آئندہ اس کی کسی بھی خلاف ورزی کا سخت اور فیصلہ کن جواب دیا جائے گا۔

دوسری جانب بحرین کی دفاعی فورسز نے دعویٰ کیا کہ انہوں نے ایرانی حملوں کو روکنے کے لیے فضائی دفاعی نظام استعمال کیا، جبکہ حملوں کے نتیجے میں ایک صنعتی تنصیب میں آگ لگ گئی۔ بحرین کی وزارت داخلہ نے شہریوں کو ممکنہ خطرے سے خبردار کرتے ہوئے محفوظ مقامات پر منتقل ہونے اور سرکاری ہدایات پر عمل کرنے کی اپیل کی۔ حکام کے مطابق، حملوں اور انہیں روکنے کی کارروائیوں کے نتیجے میں کچھ املاک کو نقصان پہنچا، تاہم کسی جانی نقصان کی اطلاع نہیں ملی۔ 

ایران نے ان حملوں کو امریکی کارروائیوں اور اپنی فضائی حدود کی مبینہ خلاف ورزیوں کا جواب قرار دیا ہے، جبکہ بحرین نے ایرانی حملوں کی مذمت کرتے ہوئے اقوام متحدہ سے کارروائی کا مطالبہ کیا ہے۔ تاہم، امریکی پیٹریاٹ ریڈاروں کی تباہی سے متعلق ایرانی دعوے کی آزاد ذرائع سے تصدیق نہیں ہوسکی ہے۔

 
 

Ads