کاجل 76 کلوگرام کے فائنل میں یوکرین کی اناستاسیا آلپے یوا جبکہ نیلم 50 کلوگرام میں جاپان کی یُوئی سُوساکی کا سامنا کریں گی۔ کاجل نے سیمی فائنل میں 1-7 سے پچھڑنے کے بعد شاندار واپسی کرتے ہوئے کرغزستان کی ایپیری میڈیٹ کائزی کو 10-7 سے شکست دی، جبکہ نیلم نے قازقستان کی زینب کو 7-3 سے ہرا کر فائنل میں جگہ بنائی۔
کاجل کی یہ کامیابی 2021 میں انشو ملک کے بعد سامنے آئی ہے، جو ورلڈ چیمپئن شپ کے فائنل میں پہنچنے والی پہلی ہندوستانی خاتون بنی تھیں اور چاندی کا تمغہ جیتا تھا۔ ریسلنگ فیڈریشن آف انڈیا کے صدر سنجے سنگھ نے دونوں پہلوانوں کی کامیابی کو ہندوستانی کشتی کے لیے فخر کا لمحہ قرار دیا۔
ادھر رجنیتا 65 کلوگرام میں کانسے کے تمغے کی دوڑ میں ہیں، جبکہ نہا شرما 57 کلوگرام کے راؤنڈ آف 16 میں باہر ہو گئیں۔ ہندوستانی ٹیم کا گریکو رومن مقابلوں میں تمغے کے بغیر سفر ختم ہوا۔
