ہیزل ووڈ نے پانچویں دن ویان ملڈر کو آؤٹ کرکے کارروائی کا آغاز کیا اور اینرک نورکیا کی صورت میں آخری وکٹ بھی حاصل کی۔ ایڈن مارکرم نے 237 گیندوں پر 75 رن کی مزاحمتی اننگز کھیلی، لیکن انہیں نچلے آرڈر کے بلے بازوں سے مطلوبہ تعاون نہیں مل سکا۔ جنوبی افریقہ کی جانب سے مارکو یانسن نے بھی 103 گیندوں تک مارکرم کا ساتھ دیا، لیکن ہیزل ووڈ نے یانسن کو بولڈ کرکے یہ شراکت توڑ دی۔
اس کے بعد ہیزل ووڈ نے سائمن ہارمر کو بھی آؤٹ کیا اور ٹیسٹ کرکٹ میں 15ویں مرتبہ پانچ وکٹ حاصل کرنے کا کارنامہ انجام دیا۔ اگلے اوور میں مچل اسٹارک نے مارکرم کو آؤٹ کرکے جنوبی افریقہ کی امیدیں ختم کردیں۔ ہیزل ووڈ نے اینرک نورکیا کو آؤٹ کرکے اننگز مکمل کی اور 49 رن کے عوض چھ وکٹ حاصل کیے، جو مارچ 2017 میں بنگلورو میں ہندوستان کے خلاف 67 رن پر چھ وکٹ کے ان کے سابق بہترین مظاہرے سے بہتر کارکردگی ہے۔
مختصر اسکور: آسٹریلیا 390 (میٹ رینشا 190، پیٹ کمنز 43؛ ویان ملڈر 4-68، مارکو یانسن 3-68) اور 314/6 ڈکلیئرڈ۔ جنوبی افریقہ 284 اور 206 (ایڈن مارکرم 75، ڈیوڈ بیڈنگھم 46؛ جوش ہیزل ووڈ 6-49، میٹ رینشا 2-39)۔
