عزالدین اوناہی کے دو گول کی بدولت کناڈا کو 3-0 سے ہرا کر مراکش نے ورلڈ کپ کے کوارٹر فائنل میں داخلہ حاصل کر لیا ہے۔ وہ اپنی تاریخ میں پہلی بار لگاتار دو ورلڈ کپ کوارٹر فائنل میں پہنچے ہیں۔
پہلا ہاف بغیر کسی گول کے رہا جس میں کناڈا نے دبدبہ بنایا۔ دوسرا ہاف شروع ہوتے ہی مراکش نے 50 ویں منٹ میں برتری حاصل کر لی۔ عزالدین اوناہی نے مراکش کا پہلا گول داغا۔ انہوں نے 82 ویں منٹ میں مراکش کی برتری کو 2-0 پہنچا کر اس کی جیت یقینی کر دی۔ سفیان رحیمی نے انجری ٹائم کے آخری لمحات میں تیسرا گول داغ کر مراکش کے مداحوں کو خوشی کے سمندر میں ڈبو دیا۔ مراکش اس طرح ورلڈ کپ کے کوارٹر فائنل میں پہنچنے والی پہلی ٹیم بن گئی۔ اب وہ جمعرات کو فاکسبورو کے جلیٹ اسٹیڈیم میں فرانس اور پیراگوئے کے درمیان ہونے والے میچ کے فاتح سے کھیلیں گے۔
اس جیت کے ساتھ، مراکش نے بڑے ٹورنامنٹوں میں اپنی شاندار فارم کو برقرار رکھا ہے؛ اس سے پہلے وہ 2022 ورلڈ کپ کے سیمی فائنل میں پہنچے تھے اور اس سال کی شروعات میں کچھ تنازعات کے باوجود افریقی چیمپیئن بنے تھے۔
